كايرو بايك – قضي مشاوريك في وسط القاهرة بجنية واحد!
ما هو مشروع كايرو بايك؟
مشروع كايرو بايك اللي افتتحته الحكومة المصرية يعتبر واحد من أهم المشاريع التي تحل أزمات مرورية كثيرة.
أخيرا هتقدر تتحرك وسط القاهرة بسهولة من غير أن تتأثر بأي زحمة مرورية وبتكلفة لا تزيد عن 8 جنيه لليوم.
المرحلة الأولى من المشروع عبارة عن 250 دراجة هوائي متوزعين على 26 محطة في منطقة وسط البلد تقدر تاجرها بجنيه واحد للساعة أو 8 جنيه لليوم كامل وكل دة باستخدام تطبيق علي الموبايل والدرجات هيكون فيها جهاز تعقب ومفيش احتمالية أنها تضيع أو تتسرق.
وكمان الدراجات هتمشي في مسارات مخصصة ليه مش مسموح للسيارات إنها تمشي فيه والمسارات دي هتبقي على جانب الطريق على شكل علامات أرضية وحواجز مرورية على الأرض تمنع السيارات إنها تدخل المسارات.
محافظة القاهرة ومنظمة الأمم المتحدة بدأوا التشغيل التجريبي للمشروع بخمس محطات بس من ثلاثة شهور وهما بين التحرير وميدان عبد المنعم رياض وشارع الفلكي وشارع عبد الخالق ثروت وميدان محمد فريد.
وفي يوم 20 أكتوبر رئيس الوزراء المصري، افتتح المرحلة الأولى للمشروع بشكل رسمي اللي يكون في 26 محطة متوزعة في وسط البلد من أول ميدان رمسيس مرورا بـ طلعت حرب وميدان التحرير لحد شارع القصر العيني ده غير مراحل ثانية تغطي أماكن أكتر في جاردن سيتي والزمالك والعجل هيكون مناسب لاستخدام البنات.
والحقيقة من مميزات المشروع دا كتير جدا لإن مع تكلفته القليلة مش بتزيد عن 8 جنيه في اليوم هتقدر تتحرك من مكان لمكان بوسط البلد بشكل أسرع بكثير من أي وقت بدل ما تمشي لمسافات طويلة أو تركب مواصلة تكلفة أعلى وتبذل وقت أطول في الزحمة المرورية لأن الحارة المرورية اللي بتنقل 1600 سيارة في الساعة تقدر تنقل 7500 درجة في الساعة، وده معناه سيولة مرورية ده غير ان الدرجة صديقة للبيئة وملهاش اي انبعاثات ضارة بالبيئة وعلى حسب معهد دراسات البيئة والطاقة الأمريكي المعروف بي إي إس أي استخدام الدراجات بشكل كبير جدا في الاتحاد الأوروبي.
كان سبب أن يمنع 16 مليون طن من انبعاثات ثاني أكسيد الكربون كل سنة.
وفي دراسة ثانية تقول إن لو العالم كله طب نفس النظام الذي تتبعه لندن في استخدام الدراجات هنقدر نمنع 700 مليون طن من انبعاثات ثاني أكسيد الكربون سنويا
كيفية استخدام كايرو بايك؟
1- التسجيل على موقع كايرو بايك www.cairobike.net من خلال ملء لينك استمارة التسجيل بالموقع وبعدها سوف تصلك رسالة في خلال 48 ساعة لتحديد مكان وموعد استلام كارت العضوية، وبعد التوجه لاستلام الكارت بعد دفع رسوم اشتراك العضوية الدائم 100 جنيه، ويشمل رصيد 20 جنيها قابل للاسترداد حال الرغبه في إنهاء العضوية.
2 – يمكن إعادة شحن الكارت من خلال مكتب الاستعلامات أو مراكز الشحن المتوفرة بالمحطات.
3 – يتوجه المستخدم لمحطة الدراجات ويقوم باختيار واحدة من الدراجات حسب رقمها .
4 – يتم بدء الرحلة من خلال تمرير الكارت بمكينة الدفع المسبق المتواجدة بالمحطة وذلك من خلال المندوب ويسجل رقم الدراجة المطلوبة وستقوم الماكينة بمراجعة الحساب والرصيد وبيانات المستخدم ورقم المحطة ورقم العجلة وتاريخ و وقت الرحلة وبناءا علي هذا يقوم مندوب المحطة بتسليم الدراجة المطلوبة.
5 – يمكن إنهاء الرحلة في نفس المحطة أو من أي محطة أخري في نطاق وسط البلد من خلال ادخال الدراجة في محطة الوصول وقفلها واعطاء المفتاح الي مندوب المحطة الذي يقوم بتمرير الكارت علي مكنة الدفع والتي ستقوم بانهاء الرحلة وخصم قيمة الرحلة واصدار ايصال بقيمة الرحلة ومدتها والرصيد المتبقي.
